Golfklúbbur Mosfellsbæjar keppir á EM klúbbliða í Hamborg

Kvennalið Golfklúbbs Mosfellsbæjar keppir á European Ladies’ Club Trophy dagana 1.–3. október. Mótið fer fram á Falkenstein-velli Hamburger Golf Club í Hamborg.

Lið GM skipa Arna Rún Kristjánsdóttir, Kristín Sól Guðmundsdóttir og Katrín Sól Davíðsdóttir. Liðið vann sér þátttökurétt með sigri á Íslandsmóti golfklúbba í ágúst, þar sem það lagði Golfklúbb Akureyrar 3½–1½ í úrslitaleik á Hlíðavelli. Það var fjórði Íslandsmeistaratitill GM á fimm árum.

Fyrirkomulagið

Alls taka 19 klúbbar þátt. Leiknar eru 54 holur á þremur dögum og telja tvö bestu skor hvers liðs á hverjum hring.